Thaenaaram | Tamil Obituary Notices | Remembrance Notices | Tamil Death Notices

பால் புரக்கேறி சிசு மரணம்

தாய்ப்பால் அருந்திவிட்டு உறக்கத்துக்குச் சென்ற 8 மாதப் பெண் குழந்தை உயிரிழந்துள்ளது. பால் புரைக்கேறியமையே உயிரிழப்புக்கான காரணம் என்று தெரிவிக்கப்படுகின்றது.

வட்டுக்கோட்டை, அராலி வடக்கைச் சேர்ந்த யோகசீலன் கிருத்திகா என்ற பெண் குழந்தையே உயிரிழந்துள்ளது.

இன்று வெள்ளிக்கிழமை அதிகாலை தாய்ப்பால் அருந்திவிட்டு உறங்கிய குழந்தை அதிகாலை 4.30 மணியளவில் அசைவற்றுக் காணப்பட்டுள்ளது.

குழந்தை உடனடியாக யாழ். போதனா மருத்துவமனைக்குக் கொண்டு செல்லப்பட்ட நிலையில், குழந்தை ஏற்கனவே உயிரிழந்தமையை மருத்துவர்கள் உறுதிப்படுத்தியுள்ளனர்.

இறப்பு விசாரணைகளை யாழ். போதனா மருத்துவமனை திடீர் இறப்பு விசாரணை அதிகாரி ந. பிறேம்குமார் மேற்கொண்டார்.

அத்துமீறிய இந்திய மீனவர்கள் சிறையில்

இலங்கை கடற்பரப்புக்குள் அத்துமீறி நுழைந்து மீன்பிடித்தார்கள் என்ற குற்றச்சாட்டில் கைது செய்யப்பட்ட இந்திய மீனவர்கள் ஆறு பேருக்கு பத்தாண்டுகள் ஒத்திவைக்கப்பட்ட தலா ஒரு ஆண்டு சிறைத்தண்டனை விதித்து ஊர்காவற்றுறை நீதிவான் நீதிமன்று விடுதலை செய்துள்ளது.

நாட்டுப் படகில் மீன்பிடித்துக்கொண்டிருந்த போதே இந்திய மீனவர்கள் ஆறு பேரும் இலங்கைக் கடற்படையினரால் கைது செய்யப்பட்டிருந்தனர்.
அவர்கள் தொடர்பான வழக்கு ஊர்காவற்றுறை நீதிமன்ற நீதிபதி கஜநிதிபாலன் முன்னிலையில் விசாரணைக்கு எடுக்கப்பட்டது.

எல்லைதாண்டி மீன்பிடியில் ஈடுபட்டமை, கைதின்போதும் இடையறாது தொழிலில் ஈடுபட்டிருந்தமை ஆகிய இரண்டு குற்றச்சாட்டுக்களின் அடிப்படையில் குறித்த தண்டனை அறிவிக்கப்படுவதாக நீதிபதி குறிப்பிட்டார்.

இதேவேளை,

நாட்டுப்படகு என்பதால் படகை விடுவிப்பது குறித்த வழக்கு எதிர்வரும் மே மாதம் 27ஆம் திகதி நடைபெறும் என்றும், இதன்போது படகின் உரிமையாளர் மன்றில் முன்னிலையாகவேண்டும் என்றும் நீதிபதியால் அறிவுறுத்தப்பட்டது.